„ოქროს შემოდგომა და ჩემი პირველი ანბანი“- ახალქალაქის N1 საჯარო სკოლის პირველკლასელთა შემოქმედებითად დატვირთული ღონისძიება
11-11-2024
ახალქალაქის N1 საჯარო სკოლაში დიდი ხალისი და ჟრიამული იყო.
ამის მიზეზი კი, პირველ კლასში გამართული მრავალფეროვანი ღონისძიება - „ოქროს შემოდგომა და ჩემი პირველი ანბანი“ გახლავთ. მის მიმდინარეობაში თითოეული მოსწავლე მონდომებითა და ინტერესით ჩაერთო.
აღსანიშნავია, რომ მათ როგორც წელიწადის ოქროსფერს სეზონზე, ასევე ანბანზეც ისაუბრეს. პატარები პირველ ასო-ბგერებს გაეცნენ და ცოდნის სამყაროში კიდევ რამდენიმე ნაბიჯი გადადგეს.
შემოდგომის ნობათითა და ფერად-ფერადი ფოთლებით მორთული სასკოლო გარემო კი, საზეიმო განწყობას მეტად ამაღლებდა.
იხილეთ ფოტოები:
სკოლების სიახლეები
