უჩმანის საჯარო სკოლაში ილია ჭავჭავაძის დაბადებიდან 187-ე წლისთავს ღონისძიება მიეძღვნა
12-11-2024
8 ნოემბერი დიდი ქართველი მწერლისა და საზოგადო მოღვაწის - ილია ჭავჭავაძის დაბადების დღეა. ეს გამორჩეული თარიღი ნინოწმინდის მუნიციპალიტეტის სოფელ უჩმანის საჯარო სკოლაში ღონისძიებით აღინიშნა.
ღონისძიება მაღალი კლასების მოსწავლეთა მონაწილეობით ჩატარდა. მოსწავლეებმა პრეზენტაცია გამართეს და ისაუბრეს ილია ჭავჭავაძის ღვაწლზე ქართველი ერის წინაშე. მოსწავლეებმა დიდი ილიას ცხოვრებასა და შემოქმედებას ხოტბა შეასხეს და აღნიშნეს მისი როლი ქართული ეროვნული და სამოქალაქო ცნობიერების ფორმირებაში.
ღონისძიება მეტად შემეცნებითი აღმოჩნდა და მოსწავლეთა მაღალი ჩართულობით წარიმართა.
აღსანიშნავია, რომ 8 ნოემბერს, დიდი ქართველი მწერლისა და საზოგადო მოღვაწის - ილია ჭავჭავაძის დაბადებიდან 187 წელი გავიდა.
იხილეთ ფოტოები:
სკოლების სიახლეები
