8 ნოემბერი დიდი ქართველი მწერლისა და საზოგადო მოღვაწის - ილია ჭავჭავაძის დაბადების დღეა. ეს გამორჩეული თარიღი ნინოწმინდის მუნიციპალიტეტის სოფელ გორელოვკის N3 საჯარო სკოლაში განსაკუთრებულად აღინიშნა.
მოეწყო საგანმანათლებლო კვირეული, რომელმაც არაერთი თემატური აქტივობა გააერთიანა. მოსწავლეებმა ილია ჭავჭავაძის ცხოვრებასა და მოღვაწეობას ხოტბა შეასხეს და აღნიშნეს მისი ღვაწლი ქართველი ერის თვითმყოფადობის შენარჩუნებაში.
მოსწავლეებმა ნახეს დოკუმენტური ფილმი, წარმოადგინეს ბიოგრაფიული ცნობები სლაიდების საშუალებით, მხატვრულად წაიკითხეს ლექსები, გაეცნენ ფრაზებს თამაშის ელემენტებით.
ღონისძიებას ორგანიზება სკოლის ქართული ენისა და ლიტერატურის მასწავლებლებმა გაუწიეს.
სკოლაში მადლობას უხდიან პედაგოგებს შემოქმედებითობისთვის, მოსწავლეებს კი აქტიურობისთვის.
„მადლობა, ჩვენი სკოლის ქართული ენისა და ლიტერატურის მასწავლებლებს. მადლობა მონაწილე მოსწავლეებს!“,- აღნიშნავენ სკოლაში.
აღსანიშნავია, რომ 8 ნოემბერს, დიდი ქართველი მწერლისა და საზოგადო მოღვაწის - ილია ჭავჭავაძის დაბადებიდან 187 წელი გავიდა.
იხილეთ ფოტოები:
