ამბროლაურის მუნიციპალიტეტის სოფელ ველევის საჯარო სკოლაში სასწავლო წელი ნაყოფიერად მიმდინარეობს.
როგორც სკოლაში გვიყვებიან, სასკოლო საზოგადოებისთვის ნოემბრის თვის დასაწყისი აქტივობებით საკმაოდ დატვირთული იყო. მათ შორის, მოქალაქეობის მასწავლებლის - თეონა მაცაბერიძის ხელმძღვანელობით, მედიაწიგნიერების კვირეულის შემაჯამებელი პრეზენტაცია მოაწყო.
7 ნოემბერს კი, ღონისძიება მეფე ერეკლე მეორეს მიეძღვნა. სკოლაში, მოსწავლეებთან - მერვეკლასელ ლიზი გოგსაძესთან და მეექვსეკლასელ ნიკოლოზ გოგსაძესთან ერთად, მეფის საგმირო საქმეებსა და გადახდილ ომებზე ისაუბრეს. შემდეგ, კი ერეკლე მეორის ხსოვნას პატივი მიაგეს.
როგორც სკოლაში გვიყვებიან, 8 ნოემბერს პოეტ მურმან ლებანიძის მიერ საქართველოს „მეორე სვეტად“ შერაცხული პიროვნება, ილია ჭავჭავაძე გაიხსენეს. სასკოლო საზოგადოებამ მისი ნაწარმოების - „კაცია ადამიანი?!“ მიხედვით გადაღებული ფილმი ნახა და გაანალიზა.
„სკოლაში ჯეროვანი ყურადღება ექცევა არაფორმალურ და ჰოლისტურ განათლებას, ასე რომ წარსულსაც პატივს მივაგებთ და თანამედროვე მოთხოვნებსაც ვპასუხობთ“,- ამბობენ სკოლაში.
იხილეთ ფოტოები:
