შუახევის მუნიციპალიტეტის სოფელ კვიახიძეების საჯარო სკოლის პედაგოგები მოსწავლეებს სასწავლო პროცესის გამრავალფეროვნებისა და მასში ჩართულობის გაზრდის მიზნით, საინტერესო და მრავალფეროვან აქტივობებს სთავაზობენ.

​ამჯერად, სკოლაში, ილია ჭავჭავაძის დაბადების დღისადმი მიძღვნილი ღონისძიება გაიმართა.

ქართული ენისა და ლიტერატურის მასწავლებლის - თ. დიასამიძის ხელმძღვანელობით, სკოლის მოსწავლეებმა ილია ჭავჭავაძის შემოქმედებიდან ნაწყვეტები და ლექსები წაიკითხეს. ისინი, ასევე,  საინტერესო აქტივობებით გაეცნენ, მწერლის ცხოვრებასა და მოღვაწეობას.

ღონისძიების ბოლოს კი ბავშვებმა ნახეს საინტერესო ვიდეორგოლი.

ეს დღე ძალიან საინტერესო და დასამახსოვრებელი იყო თითოეული მოსწავლისთვის.

იხილეთ ფოტოები: