წყალტუბოს მუნიციპალიტეტის სოფელ გვიშტიბის საჯარო სკოლაში სასწავლო წელი საინტერესო, მოსწავლეთა მრავალმხრივ განვითარებაზე ორიენტირებული აქტივობებითაა გაჯერებული.
ამჯერად, სკოლაში, ილია ჭავჭავაძის დაბადებიდან 187-ე წლისთავი განსაკუთრებულად, საზეიმო ვითარებაში აღინიშნა.
ამ დღეს, სკოლაში, ქართული ენისა და ლიტერატურის კათედრის ორგანიზებით (პედაგოგები: მარინე მუშკუდიანი, ეკა ლეშკაშელი, ნანა შვანგირაძე) სკოლის დირექტორთან, შორენა ქორიძესთან თანამშრომლობით, გაიმართა კვირეული, რომლის ფარგლებშიც დაიგეგმა და განხორციელდა სხვადასხვა სახის აქტივობა და ღონისძიება.
ს️კოლაში, მოეწყო დაწყებითი და საბაზო საფეხურის მოსწავლეთა ნახატების გამოფენა, სადაც მოსწავლეებმა თავიანთი ნამუშევრებით გააცოცხლეს ილია ჭავჭავაძის მოთხრობების პერსონაჟები. სკოლაში, ასევე გაიმართა მწერლის ნაწარმოებების მიხედვით გადაღებული ფილმების ჩვენება და განხილვა. მოსწავლეებმა ღონისძიებაზე პრეზენტაციები წარადგინეს და ცოდნა წარმოაჩინეს.
ა️მ დღეს, სკოლაში, ჩატარდა ვიქტორინა-კონკურსი: „ვინ უკეთ იცნობს დიდი მწერლის ცხოვრებასა და შემოქმედებას“, რომელშიც მოსწავლეები დიდი მონდომებითა და ხალისით იყვნენ ჩართულნი.
ბოლო კი, სკოლაში, პოეზიის საღამო თემაზე: „მარად და ყველგან,საქართველო, მე ვარ შენთანა!“ გაიმართა, სადაც მოსწავლეებმა შემოქმედებითი უნარები წარმოაჩინეს.
ეს დღე ძალიან ემოციური და შთამბეჭდავი იყო იქ მყოფი თითოეული ადამიანისთვის.
იხილეთ ფოტოები:
