გარდაბნის მუნიციპალიტეტის სოფელ ლემშვენიერას საჯარო სკოლის მოსწავლეები სხვადასხვა შეჯიბრებასა და ტურნირში დიდი მონდომებით ერთვებიან, სადაც წარმატებას აღწევენ.

ამჯერად, სკოლა დიდი სიხარულით გვიზიარებს მე-7 კლასის მოსწავლის - ლუკა იოსელიანის სპორტულ მიღწევას.

აღსანიშნავია, რომ ქალაქ ბოლნისში ჩატარდა საქართველოს ტერიტორიული მთლიანობისთვის 2008 წლის აგვისტოს ომში დაღუპული საბა დადვანის ხსოვნისადმი მიძღვნილი საერთაშორისო ტურნირი ჭიდაობა ძიუდოში.

38კგ წონით კატეგორიაში 80-მდე მოსწავლე ჭიდაობდა, სადაც სკოლის მეშვიდე კლასის მოსწავლე ლუკა იოსელიანმა ხუთი შეხვედრა მოიგო და II ადგილი დაიკავა.

სკოლაში მისი წარმატებით ამაყობენ და კიდევ ბევრ გამარჯვებას უსურვებენ.

„კიდევ ბევრი წარმატება ჩვენს ლუკას და თავის თანატოლებს“, - აღნიშნავენ სკოლაში.