მცხეთის წმინდა ათორმეტ მოციქულთა სახელობის მართლმადიდებლურ საშუალო სკოლაში მოსწავლეებს პროფესიული ორიენტაციის განსაზღვრაში ეხმარებიან
13-11-2024
მცხეთის წმინდა ათორმეტ მოციქულთა სახელობის მართლმადიდებლური საშუალო სკოლის დირექცია მოსწავლეებს პროფესიის არჩევაში ეხმარებიან.
სწორედ, მოსწავლეთა პროფესიული ორიენტაციის განვითარებისა და ხელშეწყობის მიზნით, ახლახან, მოეწყო X კლასის მოსწავლეთა გასვლითი აქტივობა თბილისის სარკინიგზი ტრანსპორტის კოლეჯში (კლასის დამრიგებელი თამარ ბადაშვილი).
კოლეჯის ადმინისტრაციამ მოსწავლეებს გააცნო მრავალფეროვანი საგანმანათლებლო პროგრამები, რომელსაც სთავაზობენ სტუდენტებს და დასაქმების რეალურ შესაძლებლობასაც აძლევენ.
ვიზიტის ფარგლებში, მოსწავლეებმა დაათვალიერეს კოლეჯის ლაბორატორიები, პრაქტიკული სწავლების სახელოსნოები. ხალისით ჩაერთნენ სხვადასხვა აქტივობებში და ვირტუალური მატარებლის მემანქანისა და მგზავრების როლიც მოირგეს.
იხილეთ ფოტოები:
სკოლების სიახლეები
