ნოდარ ხადურის სახელობის გორის მუნიციპალიტეტის სოფელ ქვეშის საჯარო სკოლაში ილია ჭავჭავაძის დაბადების დღესთან დაკავშირებით კვირეული გაიმართა, რომელიც საინტერესო და შემეცნებითი აქტივობებით იყო დატვირთული.
კვირეულის ფარგლებში, მოსწავლეებმა დიდი ქართველი მწერლისა და საზოგადო მოღვაწის - ილია ჭავჭავაძის ბიოგრაფიის მნიშვნელოვანი მომენტები გაიხსენეს და სასკოლო საზოგადოებას წარუდგინეს მწერლის შემოქმედების მცირე ნაწილი.
ბავშვებმა ნახეს ნაწყვეტები ფილმებიდან და მონაწილეობა მიიღეს საინტერესო ვიქტორინაში.
მოსწავლეებმა კიდევ ერთხელ გაიაზრეს, თუ რამდენად დიდი გავლენა ჰქონდა ქართველ ხალხზე ილია ჭავჭავაძეს, აღნიშნეს, რომ მის შეგონებებზე თაობები აღზრდილა და კიდევ მრავალი თაობა გაატარებს იმ ნარატივს, რასაც დიდი საზოგადო მოღვაწე ნერგავდა.
სკოლაში მადლობას უხდიან მოსწავლეებს და პედაგოგებს: გიული ბეთლემიშვილს, ნინო ცაციაშვილს, ინგა ხვედელიძეს და ნათია კურტანიძეს, ასეთი საინტერესო და მრავლისმომცველი კვირეულისთვის.
იხილეთ ფოტოები:
