განთიადის საჯარო სკოლის მოსწავლე ნინი ცეცხლაძე მაგიდის ჩოგბურთის შეჯიბრში ერთ-ერთ საუკეთესო მოთამაშედ დასახელდა
13-11-2024
ხელვაჩაურის მუნიციპალიტეტის სოფელ განთიადის საჯარო სკოლაში მოსწავლეთა სპორტული ცხოვრება მხარდაჭერილი და წახალისებულია, ჯანსაღი ცხოვრების წესის პოპულარიზაციას კი მნიშვნელოვანი ყურადღება ექცევა. ამ შემართებით კი მოსწავლეები აქტიურად მონაწილეობენ სხვადასხვა სპორტულ შეჯიბრებებსა თუ ღონისძიებებში და საზეიმო შედეგებიც აქვთ.
ამჯერად, სკოლაში მე-10 კლასის მოსწავლის - ნინი ცეცხლაძის წარმატებას აღნიშნავენ.
მაგიდის ჩოგბურთის მუნიციპალურ შეჯიბრში 70 მონაწილეს შორის ორი საუკეთესო მოთამაშე გამოვლინდა, მათგან ერთ-ერთი სწორედ ნინი ცეცხლაძეა.
სკოლის დირექცია და პედაგოგები მოსწავლეს წარმატებას ულოცავენ და ახალი მწვერვალების დაპყრობას უსურვებენ.
იხილეთ ფოტოები:
სკოლების სიახლეები
