ქობულეთის მუნიციპალიტეტის სოფელ აჭის საჯარო სკოლაში იაკობ გოგებაშვილის დაბადების დღესთან დაკავშირებით, საინტერესო კვირეული გაიმართა, რომელიც გაჯერებული იყო საინტერესო აქტივობებით.
კვირეულის ფარგლებში ისაუბრეს გოგებაშვილის ღვაწლის შესახებ, გაიხსენეს მის ბიოგრაფია და მისი შემოქმედება კიდევ ერთხელ „გააცოცხლეს“.
მეორე და მესამე კლასის მოსწავლეებმა დაამზადეს ხელნაკეთი „დედა ენა“, რომელიც გააფორმეს ანდაზებითა და ლექსებით, წაიკითხეს გოგებაშვილის მოთხრობები, შექმნეს ილუსტრაცია მოთხრობებზე: „ლომი და თაგვი“, „ორი მეგობარი და დათვი“.
ხოლო, მეოთხე კლასის მოსწავლეებმა შექმნეს კედლის გაზეთი სათაურით - „მოდგმიდან მოდგმას გადაეცემა,შრიალი შენი დედა ენის“.
აღსანიშნავია, რომ კვირეულს ქართული ენის მასწავლებელი ხატია ცეცხლაძე ხელმძღვანელობდა და მასში მოსწავლეები დიდი ინტერესით იყვნენ ჩართულნი.
იხილეთ ფოტოები:
