ბათუმის N8 საჯარო სკოლაში სასწავლო წელი საინტერესო და მრავალფეროვანი აქტივობებითაა დატვირთული. 

მათ შორის, სკოლაში უცხოური ენების, ქართული ენისა და ხელოვნების კათედრების ერთობლივი ძალისხმევით, ენების ევროპული დღისადმი მიძღვნილი ღონისძიება გაიმართა.

ღონისძიების მიზანი ლინგვისტური მრავალფეროვნების პატივისცემა, კულტურათაშორისი ურთიერთობების მხარდაჭერა, სხვადასხვა ევროპული ენის შესწავლის წახალისება და ევროპულ კულტურაში ქართული ენის როლის წარმოჩენა იყო. 

ღონისძიების ფარგლებში, მოსწავლეებმა სხვბადასხვა ევროპულ ენებზე ინფორმაცია მოიძიეს, პოსტერები დაამზადეს და სასკოლო საზოგადოებას წარუდგინეს. აღსანიშნავია, რომ სკოლაში ევროკავშირის ჰიმნიც გაჟღერდა. 

იხილეთ ვიდეო