ჩხოროწყუს მუნიციპალიტეტის მუხურის თემის საჯარო სკოლაში ილია ჭავჭავაძის დაბადებიდან 187-ე წლისთავისადმი მიძღვნილი ღონისძიება ჩატარდა.
აღნიშნული ღონისძიების ინიციატორნი ფილოლოგი ნატო ჯოლოხავა და სამოქალაქო განთლების მასწავლებელი მაკა მეგრელიშვილი იყვნენ.
ღონისძიებაზე, საინტერესო პრეზენტაცია წარადგინეს XI კლასის მოსწავლეებმა. ღონისძიების მონაწილეებმა აღნიშნეს, რომ ილია ჭავჭავაძის ღვაწლი უდიდესია XIX საუკუნის სამოქალაქო საზოგადოების ჩამოყალიბების საქმეში. მოსწავლეებმა ისაუბრეს წმინდანად შერაცხული ერისკაცის ცხოვრების უმნიშვნელოვანეს მომენტებზე, მათ შორის ტრაგიკულ აღსასრულზე.
„მათ ხაზი გაუსვეს იმ ეპოქის სირთულეს, რომელმაც ჩააქრო გენიალური მამულიშვილის სიცოცხლე, მაგრამ ვერ ჩააქრო მისი ანთებული თავისუფლების შუქურა“, - აღნიშნავენ სკოლაში.
ეს დღე ემოციური და შთამბეჭდავი იყო იქ მყოფი თითოეული მოსწავლისთვის.
იხილეთ ფოტოები:
