ზაზა ფერაძის სახელობის ზესტაფონის მუნიციპალიტეტის სოფელ შორაპნის საჯარო სკოლის პედაგოგები სასწავლო პროცესს სხვადასხვა საინტერესო აქტივობით ამრავალფეროვნებენ.
ამჯერად, IIბ კლასში ბუნებისმეტყველებისა და ინფორმაციული ტექნოლოგიების ინტეგრირებული გაკვეთილი ჩატარდა, მისი თემა „ფოთლოვანი და წიწვოვანი ხეები“ გახლდათ.
გაკვეთილის მიზანი იყო მოსწავლეებს წიწვოვანი და ფოთლოვანი მცენარეების აღწერა, მსგავსება-განსხვავებების პოვნა შეძლებოდათ. გაკვეთილის ფარგლებში, მოსწავლეები ქტიურობდნენ და თავიანთ მოსაზრებებს თამამად აფიქსირებდნენ. თითოეულმა მათგანმა საკითხის ცოდნა და თემისადმი ინტერესი წარმოაჩინა.
მათ ფოთლოვანი და წიწვოვანი ხეების ფოთლები და წიწვები შეაგროვეს. ასევე. დახატეს და შექმნეს მოდელები. გარდა ამისა, აღნიშნული მცენარეების შესახებ ინფორმაცია მოიძიეს და ერთმანეთს გაუზიარეს. აქტივობები მასწავლებელ - ლ. კირკიტაძის ჩართულობით განხორციელდა.
იხილეთ ფოტოები:
