ახმეტის მუნიციპალიტეტის სოფელ კასრისწყლის საჯარო სკოლაში სასწავლო პროცესი მრავალფეროვანი და შემეცნებითი ინციატივებითაა გაჯერებული, რომლებშიც მოსწავლეები დიდი ინტერესითა და შემართებით ერთვებიან.
8 ნოემბერს კი, გაიმართა ი. ჭავჭავაძის დაბადების დღისადმი მიძღვნილი ღონისძიება - „ილია, როგორც ქართველი საზოგადო მოღვაწე, პუბლიცისტი, ჟურნალისტი, პოლიტიკოსი, მწერალი“.
ღონისძიებაში მონაწილეობდნენ მოსწავლეები მასწავლებლების: ეკატერინე ტუმასიანის და ნატალია გულიკაშვილის ხელმძღვანელობით.
მოსწავლეებმა ამომწურავად ისაუბრეს ილიას როლზე, დამსახურებაზე ქვეყნისა და ერის წინაშე, მისი ნაწარმოებების მრავალფეროვან თემატიკაზე, ეროვნულ იდეებსა და ხედვებზე.
დასასრულს, მოსწავლეებმა გამართეს დისკუსია, თემაზე: ილია, როგორც ენის, მამულის, სარწმუნოების ერთგული დამცველი.
როგორც სკოლაში გვიყვებიან, ღონისძიებამ დიდი ინტერესი გამოიწვია დამსწრე საზოგადოებაში.
იხილეთ ფოტოები:
