წალკის მუნიციპალიტეტის სოფელ აშკალის საჯარო სკოლაში სასწავლო წელი საინტერესო აქტივობებითაა დატვირთული.
მათ შორის, სკოლაში ახლახან ილია ჭავჭავაძის დაბადების დღე აღინიშნა და შემოდგომის ზეიმი გაიმართა. აღსანიშნავია, რომ მათ ორგანიზებასა და გარემოს გაფორმებაში მშობლებიც აქტიურად იყვნენ ჩართულები.
თითოეული კლასის მოსწავლემ სასკოლო საზოგადოების წინაშე რამდენიმე ნომერი წარადგინა. მათ ლექსები წაიკითხეს, იმღერეს და იცეკვეს. ზეიმი სომხურ და ქართულ ენაზე ჩატარდა.
როგორც სკოლაში გვიყვებიან, ეს დღე განსაკუთრებით საინტერესო და დასამახსოვრებელი პირველკლასელებისთვის აღმოჩნდა. ბავშვებმა ლექსები ქართულ და სომხურ ენაზე წაიკითხეს. ასევე, მასწავლებლებთან და მშობლებთან ერთად იცეკვეს. მათ საკუთარი ხელით ამოავლეს ჩურჩხელები იმ იმედით, რომ სულ რამდენიმე დღეში პირს ჩაიტკბარუნებენ.
იხილეთ ფოტოები:
