ჭიათურის მუნიციპალიტეტის სოფელ ნავარძეთის საჯარო სკოლის მოსწავლეები სხვადასხვა აქტივობაში მონდომებით ერთვებიან.
ახლახან, სკოლის ვაჟთა 10-კაციანი გუნდი ჭიათურის მუნიციპალიტეტში შემავალ სოფლის საჯარო სკოლების გუნდებს შორის გამართულ მინი ფეხბურთის შეჯიბრში მონაწილეობდა.
ნავარძეთის საჯარო სკოლის გუნდში საბაზო და საშუალო საფეხურის მოსწავლეები იყვვნენ. ტურნირი ოლიმპიური წესით გაიმართა და დიდი კონკურენციის პირობებში, I, II და მე-III ადგილის მფლობელები გამოვლინდნენ.
ფეხბურთის ადგილობრივმა ფედერაციამ გამარჯვებულებს შესაბამისი სიგელები და მედლები გადასცა. ნავარძეთის საჯარო სკოლის დირექტორმა - ინგა ასანიძემ და ამავე სკოლის პედაგოგმა - ვალერი სარალიძემ ბავშვებს გამარჯვება მიულოცეს და სამახსოვრო სიგელები გადასცეს.
„ვუსურვებთ ნავარძეთის სკოლის ბავშვებს კიდევ ბევრ წარმატებას და რჩეულთა შორის მოხვედრას“,- ასეთია სასკოლო საზოგადოების სურვილები.
იხილეთ ფოტო:
