მესტიის მუნიციპალიტეტის სოფელ მულახის საჯარო სკოლაში მოსწავლეთა შემოქმედებითი უნარების წარმოჩენა-განვითარებას მნიშვნელოვანი ყურადღება ექცევა. სწორედ ამიტომ, სკოლაში, არაერთი საინტერესო და მრავალფეროვანი აქტივობა იმართება.
ამჯერად, სკოლაში, საშემოდგომო ღონისძიება ჩატარდა, რომელშიც მოსწავლეები დიდი მონდომებითა და ხალისით იყვნენ ჩართულნი.
ღონისძიებაზე, მოსწავლეებმა ლექსები წაიკითხეს, შემოქმედებითი უნარები წარმოაჩინეს.
ლამაზად, დეკორაციებითა და საშემოდგომო ნობათით მორთულმა საკლასო ოთახმა მოსწავლეთა განწყობა კიდევ უფრო აამაღლა.
„სკოლაში შემოდგომის ერთი დღე გალამაზდა შემოდგომის ფერებით, საშემოდგომო ნობათითა და რაც მთავარია თათარაში ამოვლებული კაკლის ასხმებით. საშემოდგომოდ მორთული გარემო კი მოსწავლეებმა ლექსებითა და სიმღერებით გაამრავალფეროვნეს“, - აღნიშნავენ სკოლაში.
ეს დღე დასამახსოვრებელი, საინტერესო და ემოციური იყო იქ მყოფი თითოეული მოსწავლისთვის.
იხილეთ ფოტოები:
