ადიგენის მუნიციპალიტეტის სოფელ ხევაშენის საჯარო სკოლაში სასწავლო პროცესი საინტერესო და მრავალფეროვანი აქტივობებითაა გაჯერებული, რომლებშიც მოსწავლეები დიდი მონდომებითა და ინტერესით ერთვებიან.
ამჯერად, ხევაშენის საჯარო სკოლაში, უნწის შერწყმული სკოლის მოსწავლეებთან ერთად საშემოდგომო ზეიმი „რა ჯობია შემოდგომას“ ჩატარდა.
ღონისძიება მიმდინარეობდა სკოლის ეზოში. ბავშვებმა, მასწავლებლებმა და მშობლებმა
სასცენო ადგილი მორთეს ისეთი მრავალნაირი საშემოდგომო ნუგბარით როგორიცაა: აკიდო, თათარა კვახი, წითელ-წითელი ვაშვები, ჭური, გიდელი ქოთნები და სხვა ტრადიციული ჭურჭელი და მესხეთისთვის დამახასიათებელი ხილი ამშვენებდა გარემოს.
მოსწავლეებმა ღონისძიებაზე ლექსები წაიკითხეს, მუსიკალური ნომრები - სიმღერები შესანიშნავად შეასრულეს.
აღნიშნულ დღეს ბავშვებმა ასევე გამართეს საინტერესო წარმოდგენები და დადგეს მინი სპექტაკლი „წითელქუდა“ და „პაპა გიგოს ამბავი“.
„ამას თან ერთვოდა მოსწავლეების საზეიმო განწყობა. ლექსები, სიმღერები, მუსიკა - ყველაფერი შემოდგომას ეძღვნებოდა. საინტერესო იყო წარმოდგენები: წითელქუდა, პაპა გიგოს ამბავი“, - გვიყვებიან სკოლაში.
ღონისძიების დასასრულს სკოლის დირექტორმა - მარიტა შველიძემ, მადლობა გადაუხადა სასკოლო საზოგადოებას საინტერესო და სახალისო წარმოდგენებისთვის.
იხილეთ ფოტოები:
