ქარელის მუნიციპალიტეტის სოფელ ბერძენაულის საჯარო სკოლაში სასწავლო წლის განმავლობაში არაერთი საინტერესო და შემოქმედებითი სახის აქტივობა იმართება.

ამჯერად, სკოლაში, ილია ჭავჭავაძის დაბადების დღისადმი მიძღვნილი ღონისძიება ჩატარდა, რომელშიც მოსწავლეები დიდი მონდომებით იყვნენ ჩართულნი.

ღონისძიებაზე, მოსწავლეებმა გაიხსენეს მწერლისა და საზოგადო მოღვაწის ბიოგრაფია, წაიკითხეს ლექსები და სცენაზე „გააცოცხლეს“ დიდი შემოქმედის ნაწარმოებების პერსონაჟები.

მოსწავლეებმა აღნიშნულ დღეს შემოქმედებითი უნარები წარმოაჩინეს, დრო კი ნაყოფიერად გაატარეს.

ეს დღე ემოციური და დასამახსოვრებელი იყო მოსწავლეთათვის.

იხილეთ ფოტოები: