აბაშის მუნიციპალიტეტის სოფელ ნაესაკოვოს საჯარო სკოლის წარჩინებული მოსწავლეები პროგრამის - „ჩემი პირველი კომპიუტერი“ ფარგლებში დაჯილდოვდნენ.
მოსწავლეებს: მარიამ ჭანტურიას, მარი ქორჩილავას, ნინო ქორჩილავას, იზა ალექსანდრიას საბაზო საფეხურის წარჩინებით დასრულებისთვის პორტაბელური კომპიუტერები გადაეცათ.
სკოლაში მოსწავლეთა მიღწევებით ამაყობენ და მათ წინსვლას უსურვებენ მომავალში.
„დღეს კიდევ ერთი ამაღლებული დღე იყო, იმ დღეთა შორის, როდესაც კიდევ ერთხელ რწმუნდები, რამდენად საინტერესო და ლამაზია პედაგოგის საქმიანობა. გილოცავთ ბავშვებო, პედაგოგებო და მშობლებო. მადლობა გაწეული შრომისთვის. წარმატებებით გევლოთ მუდამ მომავალში და საამაყოები ყოფილიყავით, თქვენს თანატოლებთან ერთად“, - აღნიშნავენ სკოლაში.
შეგახსენებთ, რომ პროგრამა - „ჩემი პირველი კომპიუტერი“ 2009 წლიდან ხორციელდება. პროგრამით საჯარო სკოლის ის მოსწავლეები სარგებლობენ, რომლებმაც საბაზო საფეხური წარჩინებით დაამთავრეს და მათი საფეხურის ნიშანი 10 ქულაა.
იხილეთ ფოტოები:
