გელა ჭედიას სახელობის მარტვილის მუნიციპალიტეტის სოფელ ლეციცხვაიეს საჯარო სკოლაში სასწავლო პროცესი გაჯერებულია საინტერესო საგანმანათლებლო ღონისძიებებით. რა თქმა უნდა, მოსწავლე-მასწავლებელთა ყურადღების მიღმა არ დარჩენილა ილია ჭავჭავაძის დაბედების 187-ე წლისთავი.
დიდი ქართველი მწერლის, პუბლიცისტის, საზოგადო მოღვაწისა და ეროვნულ-განმათავისუფლებელი მოძრაობის ლიდერის დაბადების დღე სკოლაში განსაკუთრებული სულისკვეთებით აღინიშნა.
გაიმართა ილიას ჭავჭავაძის საიუბილეო საღამო.
მოსწავლეებმა გულდასმით მოამზადეს პრეზენტაციები, რომლებიც მოიცავდა ილიას ცხოვრებისა და შემოქმედების უმნიშვნელოვანეს ეპიზოდებსა და მიღწევებს. განსაკუთრებული აქცენტი გაკეთდა ილიას შეხედულებაზე სწავლასა და აღზრდის საკითხებზე.
აღსანიშნავია, რომ 8 ნოემბერს დიდი ქართველი მწერლის დაბადებიდან 187 წელი გავიდა.
იხილეთ ფოტოები:
