ჩოხატაურის მუნიციპალიტეტის სოფელ ჩაისუბნის საჯარო სკოლის დირექტორი მალვინა ოსეფაიშვილი მოსწავლეებს უსაფრთხო, მათ ინტერესებზე მორგებულ სასწავლო გარემოს სთავაზობს. მისთვის ძალიან მნიშვნელოვანია მოსწავლეებთან სიყვარულით აღსავსე, პატივისცემაზე დამყარებული ურთიერთობები. ბავშვებს დირექტორი საჭირო რჩევა-დარიგებებს აძლევს, რასაც ისინი ყოველთვის ითვალისწინებენ.
etaloni.ge-ის კითხვებს დირექტორი მალვინა ოსეფაიშვილი პასუხობს:
- პოზიტიური სასკოლო გარემო პირველ რიგში ნიშნავს...
- სადაც დაცულია ყველას უფლებები და სასწავლო პროცესი დაფუძნებულია თანამშრომლობის პრინციპებსა და მოსწავლეთა ინტერესების გათვალისწინებას.
- მოსწავლე-მასწავლებლის ურთიერთობაში ყველაზე მნიშვნელოვანია...
- სიყვარული, პატივისცემა და ურთიერთთანამშრომლობა.
- ჩემი მოსწავლეებით განსაკუთრებულად ვამაყობ, რადგან...
- ისინი პატივისცემითა და სიყვარულით არიან სკოლის მიმართ განწყობილი.
- სასკოლო საზოგადოების სიძლიერე გულისხმობს...
- ურთიერთპატივისცემას, პროფესიონალიზმს და პასუხისმგებლობას დაკისრებული მოვალეობისადმი.
- ჩემი ყოველდღიური მოტივაციაა...
- გაბრწყინებული მოსწავლეების თვალები.
- ნაწარმოები, რომლის წაკითხვას ყველა მოსწავლეს ვურჩევ...
- ნ, დუმბაძის- „სისხლი“, კონსტანტინე გამსახურდიას- „დიდოსტატის მარჯვენა“ და ა.შ
- სასკოლო ღონისძიება, რომელიც მოსწავლეობისას განსაკუთრებით მახარებდა...
- საახალწლო ღონისძიება.
