ბარალეთის N2 სკოლის მოსწავლეებმა შემოდგომის სიუხვე და მრავალფეროვნება ღონისძიებით წარმოადგინეს
19-11-2024
ახალქალაქის მუნიციპალიტეტის სოფელ ბარალეთის N2 საჯარო სკოლის მოსწავლეებმა შემოდგომის სიუხვესა და მრავალფეროვნებას ღონისძიებით შეასხეს ხოტბა.
სკოლაში „შემოდგომის ზეიმი“ გაიმართა. „თბილია ეს ნოემბერი თბილ შემოდგომას გვიქსოვს“- ამ სიტყვებითა და შემართებით მოსწავლე-მასწავლებლებმა შემოდგომის ერთი დღე კიდევ უფრო გაალამაზეს და გააფერადეს.
მოსწავლეებმა მასწავლებლებთან ერთად შექმნეს და წარმოადგინეს შემოდგომის კუთხე, სადაც საშემოდგომო ნობათი გამოფინეს.
ბავშვებმა მხატვრულად წაიკითხეს ლექსები და სასკოლო საზოგადოებას წარუდგინეს მუსიკალური და ქორეოგრაფიული ნომრები.
„შემოდგომის ზეიმი“ თათარას მოდუღებით, ჩურჩხელების ამოვლებითა და შემოდგომის ნობათის დაგემოვნებით დასრულდა.
იხილეთ ფოტოები:
სკოლების სიახლეები
