ხელვაჩაურის მუნიციპალიტეტის სოფელ განთიადის საჯარო სკოლაში სასწავლო პროცესი აქტიურად მიმდინარეობს, აღინიშნება მნიშვნელოვანი თარიღები და მოვლენები და იმართება მრავალფეროვანი ღონისძიებები. 

ამჯერად, სკოლაში, „გალაკტიონობა“ აღინიშნა. სკოლის მე-8 მე-9 კლასების მოსწავლეებმა გაიხსენეს დიდებული პოეტის - გალაკტიონ ტაბიძის ლექსები, ბიოგრაფიული ცნობები.

პრეზენტაციაზე, რომელსაც ქართული ენისა და ლიტერატურის მასწავლებელი ხათუნა ჭყოიძე უძღვებოდა მოსწავლეებმა პოეტის შესახებ საინტერესო ინფორმაციები გაუზიარეს ერთმანეთს და გალაკტიონ ტაბიძის შემოქმედებიდან ლექსები წაიკითხეს.

აქტივობებში ისინი დიდი მონდომებით, ინტერესითა და ხალისით იყვნენ ჩართულნი.

იხილეთ ვიდეო