ქუთაისის N12 საჯარო სკოლაში მოსწავლეთა წიგნიერების დონის ამაღლებას მნიშვნელოვანი ყურადღება ექცევა. ამას ადასტურებს ის აქტივობები და ღონისძიებები, რომლებიც სკოლაში იმართება.
ამჯერად, სკოლაში, ბავშვების საყვარელი მწერლის - ასტრიდ ლინდგრენის დაბადების დღე საინტერესო და მრავალფეროვანი აქტივობებით აღინიშნა.
ამ დღესთან დაკავშირებით, დაწყებითი კლასის მოსწავლეებმა საინტერესო აქტივობები განახორციელეს.
„მათ წაიკითხეს ზღაპრები, შექმნეს ნახატები, შეხვდნენ პეპის და კარლსონის მხიარულ პერსონაჟებს“, - გვიყვებიან სკოლაში.
მოსწავლეებმა მწერლის ცხოვრების შესახებ ისაუბრეს და საყვარელი პერსონაჟები დაასახელეს. აქტივობებში ისინი დიდი მონდომებით, ინტერესითა და ხალისით იყვნენ ჩართულნი.
დღემ საინტერესოდ და ჟრიამულით ჩაიარა.
აღსანიშნავია, რომ სკოლაში მოსწავლეებს წიგნების მიმართ სიყვარულს დაწყებითი კლასებიდანვე უღვივებენ.
იხილეთ ფოტოები:
