ქარელის მუნიციპალიტეტის სოფელ ბებნისის საჯარო სკოლაში განსაკუთრებული ყურადღება ეთმობა ხელოვნების სწავლებას, მოსწავლეებში შემოქმედებითი და კრეატიული აზროვნების წახალისებას და მათთვის საინტერესო ინიციატივების შეთავაზებას.
ამჯერად, სკოლაში არტ-ფესტივალი იმართება. ასევე, სკოლაში18 ნოემბრიდან ერთი კვირის განმავლობაში მე-8 კლასის მოსწავლის - ემი წიქარიშვილის უნიკალური ნამუშევრებია გამოფენილი.
აღსანიშნავია, რომ ვიზიტორები გამოფენაზე იხილავენ საინტერესო თემატიკას, მრავალფეროვან ფერებს და განსაკუთრებულ ხედვებს, რომლებიც მოსწავლის ფანტაზიას და შემოქმედებითობას წარმოაჩენს.
სკოლაში განსაკუთრებით ზრუნავენ, რომ შემოქმედებითი ნიჭით დაჯილდოვებული მოსწავლეების შესაძლებლობები ფართო საზოგადოებას წარუდგინონ და მხარი დაუჭირონ ახალგაზრდა მხატვრებს.
აღსანიშნავია, რომ ემის ნამუშევრები 18 ნოემბრიდან 22 ნოემბრის ჩათვლით გამოფენილი იქნება სკოლის ფოიეში, პირველ სართულზე.
მოსწავლის კლასის ხელმძღვანელი ნატალია ბრეგვაძე გახლავთ.
„გელით თქვენს ოჯახთან და მეგობრებთან ერთად!“, - ამ გზავნილით, სასკოლო საზოგადოება მიმართავს თემის წარმომადგენლებს და სასიამოვნო მასპინძლობას ჰპირდება.
იხილეთ ფოტოები:
