ჩაისუბნის N2 საჯარო სკოლის მოსწავლის - ლუკა ყურშუბაძის სპორტული წარმატება
19-11-2024
ქობულეთის მუნიციპალიტეტის სოფელ ჩაისუბნის N2 საჯარო სკოლაში მოსწავლეთა მიღწევებს ყოველთვის აღნიშნავენ და მხარს უჭერენ.
ამჯერად, სკოლა IX კლასის მოსწავლის - ლუკა ყურშუბაძის სპორტულ წარმატებას გვიზიარებს.
აღსანიშნავია, რომ ჩაქვში მდებარე ოლიმპიური თამაშების პრიზიორის, ირაკლი თურმანიძის სახელობის დარბაზი 15-წლამდელ ძალოსანთა საქართველოს ჩემპიონატსა და ირაკლი თურმანიძის სახელობის ტურნირს მასპინძლობდა. აღნიშნულ ტურნირზე ჩაისუბნის N2 საჯარო სკოლის IX კლასის მოსწავლე ლუკა ყურშუბაძემ მეორე ადგილი მოიპოვა 55 კილოგრამ წონით კატეგორიაში ატაცში, აკვრასა და ორჭიდში.
მას ფედერაციისგან გადაეცა ვერცხლის მედალი, თასი და სიგელი.
სკოლა ულოცავს ლუკას ამ გამარჯვებას და უსურვებს სამომავლო წარმატებას სპორტულ კარიერაში.
იხილეთ ფოტოები:
სკოლების სიახლეები
