ტყიბულის N6 საჯარო სკოლაში ჯანსაღი ცხოვრების წესის პოპულარიზაციას და ჯანმრთელობის საკითხებზე მოსწავლეთა ცნობიერების ამაღლებას მნიშვნელოვანი ყურადღება ექცევა.
როგორც სკოლაში აღნიშნავენ, 14 ნოემბერი - შაქრიან დიაბეტთან ბრძოლის მსოფლიო დღე მნიშვნელოვანი შეხსენებაა მთელი პროგრესული კაცობრიობისათვის, რომ ამ დაავადების გავრცელების ზრდამ უკვე სტაბილური ხასიათი მიიღო.
შესაბამისად, ტყიბულის N6 საჯარო სკოლის IXა და IXბ კლასის მოსწავლეებმა (ბიოლოგიის პედაგოგი - ლელა სილაკაძე) სხვადასხვა აქტივობებით აღნიშნეს ეს დღე. მათ საბაზო დადაწყებითი საფეხურის მოსწავლეებთან წარადგინეს ელექტრონული პრეზენტაციები, დაარიგეს ბუკლეტები და მოაწყვეს დისკუსიები.
მოსწავლეები გაეცნენ შაქრიანი დიაბეტის გამომწვევ მიზეზებს, სიმპტომებს, მკურნალობის და პრევენციის გზებს.
„აქტივობების მიზანი იყო შაქრიანი დიაბეტის, მეტაბოლური დარღვევების შესახებ ცნობიერების ამაღლება, კვების და ფიზიკური აქტივობის გაუმჯობესების გზით სისხლში გლუკოზის დონის რეგულირების ცოდნა და დიაბეტის გართულებების პრევენცია“,- გვეუბნებიან სკოლაში.
იხილეთ ფოტოები:
