ანდრია რაზმაძის სახელობის ქალაქ ქუთაისის N41 ფიზიკა - მათემატიკის საჯარო სკოლაში მოსწავლეთა განვითარებასა და მოტივირებაზე პროფესიონალ პედაგოგთა გუნდი ზრუნავს.
სწორედ ამის დასტურია ისიც, რომ მოსწავლეები სხვადასხვა აქტივობაში მონდომებით ერთვებიან. ერთ-ერთი ასეთი პედაგოგ მარინა კუჭუხიძის სადამრიგებლო - მე-9ე კლასის მოსწავლე - ზურა გელაშვილია.
როგორც სკოლაში გვიყვებიან, ის კარგ სწავლასთან ერთად, მისაბაძი ყოფა-ქცევითაც გამორჩევა, უყვარს საქართველოს ისტორია და სპორტი. ზურა გელაშვილი 8 წელია კიკგბოქსინგში ვარჯიშობს და წარმატებებიც აქვს.
ის ახლახან, თბილისში გამართულ საქართველოს დამსახურებული მწვრთნელისა და მსაჯის ლევონ პოღოსოვის ხსოვნისადმი მიძღვნილ ტურნირში მონაწილეობდა. მან შესაძლებლობები გამოავლინა და პირველი ადგილი დაიკავა.
სკოლაში მისი წარმატებით ხარობენ და ულოცავენ.
იხილეთ ფოტო:
