მალე მსოფლიო ახალი, 2025 წლის დადგომას იზეიმებს და სხვადასხვა აქტუალურ საკითხთან ერთად, მნიშვნელოვანია პასუხი კითხვაზე - რა ფერის სამოსით უნდა შევხვდეთ გველის წელს.
სპეციალისტები გვირჩევენ, რომ საახალწლო ღამისთვის ჩაცმულობა განსაკუთრებული ყურადღებით შევარჩიოთ. გაითვალისწინეთ, რომ ველი - ელეგანტური არსებაა და აქედან გამომდინარე, სადღესასწაულო ლუქის შერჩევის მთავარი კრიტერიუმი დახვეწილი სტილი უნდა იყოს.
რაც შეეხება ფერს, ჩაცმულობის ფერთა გამა უნდა შეესაბამებოდეს წლის სიმბოლოს. ფავორიტი გახლავთ მწვანე - თავისი ყველა ელფერით; აქტუალურია ასევე ყავისფერი, ვერცხლისფერი, მარგალიტისფერი და ფერფლისფერი ტონები, ხოლო ვისაც კლასიკა უყვარს, მათთვის იდეალური იქნება შავისა და ოქროსფრის კომბინაცია.
მნიშვნელოვანია ასევე სამოსის ფაქტურის შერჩევა - ის უნდა იყოს ნატურალური - ხავერდი, აბრეშუმი ან თხელი შალი.
