ლანჩხუთის მუნიციპალიტეტის სოფელ ნიგვზიანის საჯარო სკოლის მოსწავლეთა სასწავლო პროცესი სავსეა საოცარი საგანმანათლებლო თავგადასავლებით.
ახლახან, მე-4 კლასელება დიდი მოგზაურების როლი მოირგეს და პედაგოგ ირმა ჯღარკავას ხელმძღვანელობით, მეტად შემეცნებითი სასწავლო პროცესი წარმართეს. როლური თამაში მოსწავლეებისთვის სასწავლო-შემეცნებითთან ერთად სახალისო და თავშესაქცევი აღმოჩნდა.
„დიდი მოგზაურები სტუმრად ნიგვზიანში - დიახ, დღეს სკოლაში ქრისტეფორე კოლუმბი, ვასკო და გამა, მარკო პოლო და სხვა ცნობილი მოგზაურები გვსტუმრობდნენ, მათ შორის, მოსწავლეებს ყურადღების მიღმა არ დარჩენიათ ცნობილი ქართველი მოგზაური ჯუმბერ ლეჟავა.
მეტიც, უოლტ დისნეის „კარიბის ზღვის მეკობრეების“ პერსონაჟ ჯეკ ბეღურასაც კი შენიშნავთ.
მე-4 კლასის მოსწავლეებმა, გაკვეთილის თემიდან გამომდინარე, დიდი მოგზაურების ამპლუა მოირგეს და სოფელ ნიგვზიანს სტუმრობდნენ.
მათ აქ გურული ოლღა ბებია ჩვეული სტუმართმოყვრული განწყობით შეხვდა და გურული ჯანჯუხაც დააგემოვნეს.
მოსწავლეები მეტად მოიხიბლნენ ირმა მასწავლებლის მიერ განხორციელებული როლური თამაშით, რომელსაც, თავისთავად, შემეცნებითი ხასიათი ჰქონდა“,- გვიყვებიან სკოლაში და ახარებთ მოსწავლეთა აქტიურობა და პედაგოგის შემოქმედებითობა.
იხილეთ ფოტოები:
