საქართველოს საპატრიარქოს წმიდა თამარ მეფის სახელობის გიმნაზიის მოსწავლეები, გასვლითი პროგრამების ფარგლებში, ხელნაწერთა ეროვნულ ცენტრს სტუმრობდნენ
22-11-2024
საქართველოს საპატრიარქოს წმიდა თამარ მეფის სახელობის გიმნაზიის მოსწავლეები ხელნაწერ წიგნებს, ისტორიულ საბუთებს, საზოგადო მოღვაწეთა პირად არქივებს, ძველ ნაბეჭდ წიგნებს და სხვა საინტერესო არტეფაქტებს გაეცნენ.
გასვლითი პროგრამების ფარგლებში, მიღებული ცოდნის განმტკიცების მიზნით, თამარ მეფის სახელობის სკოლა-გიმნაზიის მე-6ა კლასის მოსწავლეები (დამრიგებელი სალომე ნოზაძე) ხელნაწერთა ეროვნულ ცენტრში იმყოფებოდნენ.
მოსწავლეებისთვის დღემ საინტერესო გარემოში ჩაიარა. მათ საშუალება ჰქონდათ დაეთვალიერებინათ უძველესი ხელნაწერები და თავადაც წაეკითხათ წარწერები.
მოსწავლეებს, ასევე, თან ახლდათ გიმნაზიის ხელოვნების პედაგოგი თათია ირემაშვილი.
იხილეთ ფოტოები:
სკოლების სიახლეები
