ჩხენიშის საჯარო სკოლაში „ილია ჭავჭავაძის კვირეული“ გაიმართა
22-11-2024
სამტრედიის მუნიციპალიტეტის სოფელ ჩხენიშის საჯარო სკოლის პედაგოგები მოსწავლეებს ილია ჭავჭავაძის ფასეულობებზე ზრდიან.
7-12 ნოემბერს, სკოლაში ილია ჭავჭავაძის კვირეული ჩატარდა.
კვირეულის ფარგლებში მოეწყო დებატები თემაზე - „პასუხისმგებელია თუ არა საზოგადოება ცალკეული ადამიანის მიერ ჩადენილ დანაშაულზე?“
ილია ჭავჭავაძის მოთხრობის - „სარჩობელაზედ“ მიხედვით ჩატარდა კონფერენცია თემაზე - „ილია და ეპოქა“. მოსწავლეებმა წარმოადგინეს პრეზენტაციები ილია ჭავჭავაძის საზოგადოებრივი მოღვაწეობის შესახებ, ისაუბრეს ილიას ღვაწლსა და მნიშვნელობაზე, უპასუხეს დასმულ შეკითხვებს. ასევე, მოეწყო დოკუმენტური ფილმის - „ილია ჭავჭავაძე (1837-1907)“ ჩვენება. მოსწავლეებმა ერის მამად წოდებული მწერლის ცხოვრებასა და შემოქმედებას კედლის გაზეთიც მიუძღვნეს.
იხილეთ ფოტოები:
სკოლების სიახლეები
