სამტრედიის მუნიციპალიტეტის სოფელ მელაურის საჯარო სკოლაში მოსწავლეთა ინტერესებსა და საჭიროებებზე მორგებული სასწავლო გარემოა შექმნილი. პედაგოგები თავს არ ზოგავენ, რომ მოსწავლეებმა თავი უსაფრთხოდ და მოტივირებულად იგრძნონ.

სპეციალური განათლების მასწავლებელი ნათია ივანიაძე სკოლის ერთ-ერთი ასეთი პედაგოგია. აღსანიშნავია, რომ მისი ინიციატივითა და ხელმძღვანელობით შეიქმნა ფილმის კლუბი „ინკლუზიის ხედვა“.

აღნიშნული კლუბის მიზანია:

• ტოლერანტობის და ემპათიის უნარების განვითარება;
• ინკლუზიური განათლებისა და ინკლუზიური საზოგადოების მნიშვნელობის გაცნობიერება;
• ინფორმირებულობა სხვადასხვა სახის განვითარების დარღვევების შესახებ;
• მოსწავლეთა თვითშეფასების ამაღლება და შესაძლებლობების რეალიზება;
• შემოქმედებითი უნარების განვითარება.

კლუბში გაწევრებისთვის აუცილებელია რეგისტრაციის გავლა. კლუბის წევრობა შეუძლია ნებისმიერ მსურველს.

რეგისტრაციისთვის გახსენით ბმული ან დაასკანერეთ.