მინაძის საჯარო სკოლის მოსწავლეებმა მაგიდის ჩოგბურთის ტურნირში წარმატებით იასპარეზეს
20-11-2024
ახალციხის მუნიციპალიტეტის სოფელ მინაძის საჯარო სკოლაში მოსწავლეთა განვითარებასა და მოტივირებაზე აქტიურად ზრუნავენ.
იქ დიდი ყურადღება ექცევა ახალგაზრდების სპორტითა და ცხოვრების ჯანსაღი წესით დაინტერესებას. სწორედ ამის შედეგია ის, რომ მოსწავლეები თემატურ აქტივობებში მონდომებით ერთვებიან.
„სასკოლო სპორტული ოლიმპიადა 2024-2025“-ის მუნიციპალური თამაშების ფარგლებში, ახალციხის მუნიციპალიტეტის საჯარო სკოლების მოსწავლეები ერთმანეთს მაგიდის ჩოგბურთში შეეჯიბრნენ.
აღსანიშნავია, რომ შეჯიბრში მინაძისა და ახალციხის N1 საჯარო სკოლების გაერთიანებულმა გუნდმა, გოგონებს შორის, II ადგილი დაიკავა. მოსწავლეები და მასწავლებლები კი, დიპლომებითა და მედლებით დაჯილდოვდნენ.
იხილეთ ფოტოები:
სკოლების სიახლეები
