„ცხოვრების ჯანსაღი წესი“- ქვედა კვირიკეს საჯარო სკოლაში პროექტის პრეზენტაცია გაიმართა
20-11-2024
ქობულეთის მუნიციპალიტეტის სოფელ ქვედა კვირიკეს საჯარო სკოლის პედაგოგები მოსწავლეთა ცოდნის დონის გაღრმავებასა და სხვადასხვა მიმართულებით მათი ცნობიერების ამაღლებაზე აქტიურად ზრუნავენ.
ახლახან, სკოლაში სამოქალაქო განათლების მასწავლებლის - თინა კაკალაძის ხელმძღვანელობით, პროექტის - „ცხოვრების ჯანსაღი წესის“ პრეზენტაცია გაიმართა.
მე-11 კლასის მოსწავლეებმა სხვადასხვა ინსტრუმენტის დახმარებით პოსტერები შექმნეს და საკითხის მნიშვნელობაზე, პროექტის გამოწვევებსა და სარგებელზე ისაუბრეს.
„პროექტზე მუშაობამ ხელი შეუწყო მოსწავლეებში სამოქალაქო თვითშეგნების უკეთ ჩამოყალიბებასა და საკუთარი ინიციატივების გაცნობიერებას“,- ამბობენ სკოლაში.
იხილეთ ფოტოები:
სკოლების სიახლეები
