ახალქალაქის მუნიციპალიტეტის სოფელ ჩუნჩხის საჯარო სკოლის წარჩინებული მოსწავლე ხატია გელაძე პროგრამის - „ჩემი პირველი კომპიუტერი“ ფარგლებში დაჯილდოვდა.

მას, საბაზო საფეხურის წარჩინებით დასრულებისთვის პორტაბელური კომპიუტერი გადაეცა.

მოსწავლეს სკოლის დირექტორმა - ემზარ პაპიძემ და ახალქალაქის რესურსცენტრის ხელმძღვანელმა - ტერეზა ჩივჩიანმა ეს წარმატება მიულოცეს, მას ასევე, წინსვლა უსურვეს.

შეგახსენებთ, რომ პროგრამა - „ჩემი პირველი კომპიუტერი“ 2009 წლიდან ხორციელდება. პროგრამით საჯარო სკოლის ის მოსწავლეები სარგებლობენ, რომლებმაც საბაზო საფეხური წარჩინებით დაამთავრეს და მათი საფეხურის ნიშანი 10 ქულაა.