ნინოწმინდის მუნიციპალიტეტის სოფელ გორელოვკის N1 საჯარო სკოლაში აქტიურად იმართება შემეცნებითი და შემოქმედებითი ხასიათის ღონისძიებები, რომლებიც მნიშვნელოვან თარიღებს ეხმიანება და მოსწავლეთა ცნობიერების ამაღლებისკენაა მიმართული.
ამჯერად, სკოლაში ილია ჭავჭავაძის დაბადების დღისადმი მიძღვნილი ღონისძიებები გაიმართა.
ქართულის ენის მასწავლებელმა - ნარგიზ პოდოსიანმა დამსწრე საზოგადოებას წარუდგინა პრეზენტაცია მწერლის ცხოვრებასა და შემოქმედების შესახებ.
ქართული ენის მასწავლებლებმა: ლია გოგოლაძემ და ეკატერინა სუდაძემ მოსწავლეებისთვის მოაწყვეს ფილმის, ჩვენება, რომელიც დიდი ქართველის ცხოვრებასა და მოღვაწეობას შეეხებოდა.
ღონისძიებების ბოლოს დაწყებითი კლასის მოსწავლეებმა მხატვრულად წაიკითხეს ილია ჭავჭავაძის ლექსები.
როგორც სკოლაში გვიყვებიან, დღემ მეტად საინტერესოდ ჩაიარა, მოსწავლეებმა გაიგეს ბევრი საინტერესო ინფორმაცია დიდი ქართველი მწერლისა და საზოგადო მოღვაწის ცხოვრებისა და მოღვაწეობის შესახებ.
