ხულოს მუნიციპალიტეტის სოფელ საციხურის საჯარო სკოლის პედაგოგები მოსწავლეთა შემოქმედებითი უნარების წარმოჩენა-განვითარებასა და მოტივაციის ამაღლებაზე აქტიურად ზრუნავენ. ამას ადასტურებს ის ღონისძიებები და აქტივობები, რომლებიც სკოლაში იმართება.

ამჯერად, სკოლაში, ფერადი და შემოქმედებითი სახის ღონისძიება „შემოდგომის გაცილება“ ჩატარდა. 

ღონისძიებაზე, რომლის ხელმძღვანელი პედაგოგი ლეილა ბერიძე გახლდათ, მოსწავლეებმა ლექსები წაიკითხეს, იმღერეს, იცეკვეს, შემოქმედებითი უნარები წარმოაჩინეს, დრო კი ნაყოფიერად გაატარეს.

მათ ასევე კლასში ლამაზი, შემოდგომის კუთხე მოაწყვეს, რომელიც ამ სეზონისთვის დამახასიათებელი ხილით მორთეს.

აქტივობებში მოსწავლეები დიდი მონდომებით, ინტერესითა და ხალისით იყვნენ ჩართულნი.

იხილეთ ფოტო-ვიდეომასალა: