გურჯაანის მუნიციპალიტეტის სოფელ გურჯაანის საჯარო სკოლის წარჩინებული მოსწავლეები პროგრამის - „ჩემი პირველი კომპიუტერი“ ფარგლებში დაჯილდოვდნენ.

სკოლის ოთხ მოსწავლეს საბაზო საფეხურის წარჩინებით დასრულებისთვის პორტაბელური კომპიუტერები გადაეცა.

აღსანიშნავია, რომ მუნიციპალიტეტის საჯარო სკოლების წარჩინებული მოსწავლეების დაჯილდოების ღონისძიება გურჯაანის ტექნოპარკში გაიმართა.

სკოლაში მოსწავლეებით ამაყობენ და მათ წარმატებებს უსურვებენ.

„წარმატება ვუსურვოთ მათ! ამ და შემდგომი წარმატებებით ესახელებინოთ ჩვენი სკოლა“, - ამბობენ სკოლაში.

შეგახსენებთ, რომ პროგრამა - „ჩემი პირველი კომპიუტერი“ 2009 წლიდან ხორციელდება. პროგრამით საჯარო სკოლის ის მოსწავლეები სარგებლობენ, რომლებმაც საბაზო საფეხური წარჩინებით დაამთავრეს და მათი საფეხურის ნიშანი 10 ქულაა.