ბათუმის N30 საჯარო სკოლის პედაგოგები მოსწავლეებს მოტივაციის ამაღლებისა და სასწავლო პროცესის გამრავალფეროვნების მიზნით, საინტერესო აქტივობებს სთავაზობენ.

ამჯერად, მე-9 კლასის მოსწავლეები პედაგოგ ზეინაბ ქოქოლაძის ინიციატივით ბათუმის საქალაქო სასამართლოში იმყოფებოდნენ.

ვიზიტის მიზანი, როგორც სკოლაში გვეუბნებიან, იყო, მოსწავლეებს დაენახათ, როგორ შეიძლება სამოქალაქო განათლების გაკვეთილებზე ნასწავლი მასალის პრაქტიკაში გამოყენება.

ბავშვებმა საჭირო ცოდნა მიიღეს და დრო ნაყოფიერად გაატარეს.

ეს დღე საინტერესო, დასამახსოვრებელი და ინფორმაციული აღმოჩნდა მოსწავლეთათვის.

„მადლობა ბათუმის საქალაქო სასამართლოს ადმინისტრაციას ამ შესაძლებლობისთვის“, - აღნიშნავენ სკოლაში.