ვანის მუნიციპალიტეტის სოფელ ფერეთის საჯარო სკოლაში მოსწავლეთა შემოქმედებითი უნარების წარმოჩენა-განვითარებას მნიშვნელოვანი ყურადღება ექცევა. სწორედ ამიტომ, პედაგოგები მათ საინტერესო, მრავალფეროვან აქტივობებს და ღონისძიებებს სთავაზობენ.
ამჯერად, სკოლაში, საშემოდგომო ღონისძიება ჩატარდა, რომელშიც მოსწავლეები დიდი მონდომებითა და ინტერესით იყვნენ ჩართულნი.
მათ ღონისძიებაზე, ლექსები წაიკითხეს, იმღერეს, იცეკვეს, შემოქმედებითი უნარები წარმოაჩინეს და სასკოლო საზოგადოების დიდი მოწონება დაიმსახურეს.
ღონისძიებაზე წარდგენილი იყო საშემოდგომო ნობათი, რამაც გარემო მეტად გაალამაზა.
„მხიარულებითა და ყიჟინით გავაცილეთ დალოცვილი, მადლიანი შემოდგომა. დოვლათით აგვივსო საქართველოს ყველა კუთხე-კუნჭული. დიდხანს ემუშაოს გლეხის მარჯვენას, რომ წლის მოსავალი მუდამ ბარაქიანი ჰქონდეს“, - ასეთი შემართებით შეასხეს ხოტბა შემოდგომის მრავალფეროვნებას სკოლაში.
იხილეთ ფოტოები:
