დმანისის მუნიციპალიტეტის სოფელ იაღუფლოს საჯარო სკოლაში სასწავლო პროცესი გაჯერებულია საინტერესო ღონისძიებებით თუ აქტივობებით, აღინიშნება მნიშვნელოვანი თარიღები და მოვლენები, რაც მოსწავლეთა ცოდნისა და თვალსაწიერის გაფართოებას ემსახურება.
სკოლის მოსწავლე-მასწავლეებლთა ყურადღების მიღმა არ დარჩენილა ილია ჭავჭავაძის დაბადებიდან 187-ე წლისთავი.
სკოლის მე-11 და მე-12 კლასების მოსწავლეებმა ილია ჭავჭავაძის დაბადების დღის აღსანიშნავად კედლის გაზეთი გამოუშვეს.
მოსწავლეებმა კედლის გაზეთზე ილია ჭავჭავაძის ცხოვრებისა და მოღვაწეობის შესახებ ინფორმაცია დაიტანეს და აღნიშნეს მისი როლი ერის ლიბერალური ღირებულებების ფორმირებაში.
აღსანიშნავია, რომ 8 ნოემბერს, დიდი ქართველი მწერლისა და საზოგადო მოღვაწის - ილია ჭავჭავაძის დაბადებიდან 187 წელი გავიდა.
იხილეთ ფოტოები:
