ბოლნისის მუნიციპალიტეტის სოფელ ქვემო არქევნის საჯარო სკოლის მოსწავლეები სასკოლო საზოგადოებას სიამაყის საფუძველს ხშირად აძლევენ. 

ამჯერად, ისინი კიკბოქსინგში, უმცროს ჭაბუკთა შორის, თბილისში გამართულ საერთაშორიოსი ტურნირში მონაწილეობდნენ. მათ სპორტული შესაძლებლობები გამოავლინეს, დრო ნაყოფიერად გაატარეს და ღირსეულად იასპარეზეს. შედეგად კი, საპრიზო ადგილები დაიკავეს. 

აღსანიშნავია, რომ მოსწავლეები - ნიჰად გაჯიევი, ნურუ კალაევი, რამალ ალიევი და ონურ ნაზაროვი ბოლნისის სპორტულ-გამაჯანსაღებელი კომპლექსის სპორტსმენები არიან. მათი მწვრთნელი კი, შახინ ბახტიაროვი გახლავთ. 

სკოლაში მათი მიღწევით ხარობენ და ახალგაზრდებს სიყვარულით ულოცავენ.