ხელვაჩაურის მუნიციპალიტეტის სოფელ განთიადის საჯარო სკოლაში მოსწავლეთა ინტერესებსა და მოტივირებაზე ორიენტირებული სასწავლო გარემოა ჩამოყალიბებული. 

აღსანიშნავია, რომ იქ ახალგაზრდების შემოქმედებითი შესაძლებლობების განვითარებას დიდი ყურადღება ექცევა. მოსწავლეები კი, სასკოლო საზოგადოებას საკუთარი მიღწევებით ხშირად ანებივრებენ. 

ამჯერად, სკოლა კიდევ ერთ სასიხარულო ინფორმაციას გვიზიარებს. სკოლის ქართული ხალხური ცეკვის ანსამბლი - „ვაზისი“ საერთაშორისო კონკურს-ფესტივალზე ლაურეატის დიპლომით დაჯილდოვდა.

„ვულოცავთ ჩვენს მოსწავლეებსა და პედაგოგს, ქალბატონ ნანა სარდალაშვილს, ამ დიდ წარმატებას“,- ასეთია სასკოლო საზოგადოების სურვილები.

იხილეთ ფოტოები: