ქუთაისის N12 საჯარო სკოლაში მოსწავლეთა მრავალმხრივ განვითარებასა და მოტივაციის ამაღლებას მნიშვნელოვანი ყურადღება ექცევა. ამას ადასტურებს ის აქტივობები, რომლებსაც დირექცია და პედაგოგები მოსწავლეებს სთავაზობენ.
ამჯერად, სკოლის მე-9 გ კლასის მოსწავლეები (ბიოლოგიის პედაგოგი: დ. კუჭუხიძე) აკაკი წერეთლის სახელობის სახელმწიფო უნივერსიტეტში - ფიზიოლოგიის სასწავლო ექსპერიმენტალურ ლაბორატორიას ესტუმრნენ.
პროფესორი ი. ჯულაყიძე მოსწავლეებს ესაუბრა „ნერვულ სისტემაზე და თავის ტვინის შემსწავლელ მეთოდების“ შესახებ, შემდეგ ბავშვები დაესწრნენ გაკვეთას, რომელიც ჩაუტარდა ვირთაგვას.
მოსწავლეებმა დაათვალიერეს ვივარიუმი - სადაც თავმოყრილია სხვადასხვა ცხოველი საჩვენებლად ან მათზე ცდების საწარმოებლად.
ეს დღე ნაყოფიერი და საინტერესო აღმოჩნდა თითოეული მოსწავლისთვის.
„მადლობა ბატონ ირაკლის საინტერესო გაკვეთილისთვის“, - აღნიშნავენ სკოლაში.
იხილეთ ფოტოები:
