ეშტიის N1 საჯარო სკოლის მოსწავლეთა შთამბეჭდავი საშემოდგომო სანახაობა
27-11-2024
ნინოწმინდის მუნიციპალიტეტის სოფელ ეშტიის N1 საჯარო სკოლაში „შემოდგომის დღესასწაული“ მოეწყო.
სკოლაში შთამბეჭდავი საშემოდგომო სანახაობა მოეწყო. მოსწავლეები დამსწრე საზოგადოების წინაშე მრავალფეროვანი საზეიმო ნომრებით წარდგნენ, შემოდგომის სიუხვესა და სილამაზეს ხოტბა შეასხეს.
მოსწავლეებმა შეასრულეს საცეკვაო ნომრები, წაიკითხეს ლექსები, ერთმანეთს შეეჯიბრნენ სახალისო გამოცანების გამოცნობაში. ასევე გამოიფინა მოსწავლეთა ნახატები და კალიგრაფიული ნამუშევრები.
ღონისძიებას ორგანიზება გაუწიეს დამრიგებლებმა. მის მომზადებაში მოსწავლეებთან და მასწავლებლებთან ერთად, მშობლებიც აქტიურად მონაწილეობდნენ.
„დღესასწაულმა შემოდგომის მზესავით გაათბო და გაახალისა მაყურებელთა გულები“,-ასე აფასებენ ზეიმს სკოლაში და ახარებთ მოსწავლეთა შემოქმედებითობა.
იხილეთ ფოტოები:
სკოლების სიახლეები
