ლანჩხუთის მუნიციპალიტეტის სოფელ ჭანჭათის საჯარო სკოლის პედაგოგები მოსწავლეებს სასწავლო პროცესის გამრავალფეროვნებისა და მასში ჩართულობის გაზრდის მიზნით, საინტერესო აქტივობებს სთავაზობენ.
ამჯერად, სკოლაში, ილია ჭავჭავაძის დაბადების დღე განსაკუთრებულად აღინიშნა.
სკოლაში, მწერლისა და პუბლიცისტის მოღვაწეობისადმი მიძღვნილი კვირეული ჩატარდა. მასში სხვადასხვა კლასის მოსწავლეები მონაწილეობდნენ.
კვირეულს ხელმძღვანელობდა ქართული ენისა და ლიტერატურის პედაგოგი ეთერ ცინცაბაძე.
მოსწავლეებმა მწერლის ცხოვრებისა და მოღვაწეობის შესახებ საინტერესო ინფორმაციები მოიძიეს, რომლებიც ერთმანეთს გააცნეს. მათ ასევე ილია ჭავჭავაძის შემოქმედებიდან ლექსები წაიკითხეს და შემოქმედებითი უნარები წარმოაჩინეს.
ეს დღე საინტერესო, ნაყოფიერი და დასამახსოვრებელი აღმოჩნდა მოსწავლეთათვის.
იხილეთ ფოტოები:
