ლენტეხის მუნიციპალიტეტის სოფელ ჩოლურის საჯარო სკოლაში სასწავლო წელი მრავალფეროვანი აქტივობებითაა გაჯერებული.
ახლახან, კონსულტანტ-მასწავლებლის ნანი შუბითითიძის ინიციატივითა და ჩოლურის საჯარო სკოლის დირექტორის - მარინა ლიპარტელიანის თანადგომით, VI-XII კლასის მოსწავლეებისათვის ღონისძიება - „ერთი გასვლითი დღე ეკლესია-მონასტერში და მუზეუმში“ განხორციელდა.
ღონისძიების მიზანი კულტურულ და სულიერ ღირებულებებთან ზიარება, მოსწავლეებში ეკლესია-მონასტრებსა და კულტურულ ძეგლებთან დაკავშირებით ჩვეულების ჩამოყალიბება გახლდათ.
მოსწავლეები წირვას დავით აღმაშენებლის ტაძარში დაესწრნენ, წმინდა გიორგის ეკლესიასთან არსებულ დედათა მონასტერს ესტუმრნენ და ლადო ასათიანის სახლ-მუზეუმი მოინახულეს.
აღსანიშნავია, რომ მოსწავლეებმა მუზეუმში ლადო ასათიანის ლექსები წაიკითხეს, რითაც პოეტის ხსოვნას პატივი მიაგეს.
იხილეთ ფოტოები:
